ᑐᑭᓯᒪᐅᑎᑦᑎᔾᔪᑏᑦ ᑮᓇᐅᔭᖅᑖᖅᑎᑦᑎᔨᓄᑦ
ᐱᓕᕆᖃᑎᒋᓗᒋᑦ ᖃᐅᔨᓴᖅᑏᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐃᓕᑕᕆᔭᐅᓂᖅᑖᕐᓗᑎᑦ ᐅᑭᐅᖅᑕᖅᑐᕐᒥᐅᓂ ᐊᒥᓱᓂᒃ ᐊᔾᔨᐅᖏᑦᑐᓂᒃ ᐃᓅᓯᓕᕆᓂᕐᒧᑦ, ᑮᓇᐅᔾᔭᒃᓴᐅᑎᒃᓴᓄᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᓯᕗᓪᓕᖅᐸᐅᔾᔭᐅᑎᑕᐅᔪᓂ. ᖃᐅᔨᓴᖅᑏᑦ ᑲᑐᔾᔨᖃᑎᒌᖏᑦ ᐊᑎᓕᐅᖅᑕᐅᓯᒪᓪᓗᑎᒃ ᐃᑲᔪᖅᑎᐅᖕᒪᑕ ᐃᓚᖃᖅᑐᑦ 7-ᓂᒃ ᐊᖏᓂᖅᐹᓂᒃ ᑮᓇᐅᔭᓕᐊᕋᓱᐊᖅᑎᐅᖏᑦᑐᓂᒃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᑲᑐᔾᔨᖃᑎᒌᖏᓐᓂᒃ key non-profit Inuit organizations ᐱᓕᕆᔨᐅᔪᓂᒃ ᓯᕗᒻᒧᐊᒃᑎᑦᑎᕙᓪᓕᐊᓂᕐᒥᒃ ᐱᔪᓐᓇᐅᑎᖏᓐᓂᒃ, ᖃᓄᐃᑕᐃᓕᒪᓂᖏᓐᓂᒃ, ᐊᒻᒪᓗ ᐃᓚᐅᑎᑕᐅᔭᕆᐊᖃᕐᓂᖏᓐᓂᒃ ᐃᓄᐃᑦ ᓄᓇᕗᒻᒥ. ᐅᒃᐱᕆᒐᑦᑎᒍᑦ ᑲᑐᔾᔨᖃᑎᒌᒡᓗᑕ ᑕᐱᕇᖕᓂᒃᑯᑦ ᒥᑭᒡᓕᕚᓪᓖᔪᓐᓇᕋᑦᑕ ᐊᔾᔨᒌᒃᑐᑐᐃᓐᓇᕐᓂᒃ ᐱᓕᕆᓂᕐᒥᒃ ᐊᒻᒪᓗ ᐱᐅᓂᖅᐹᓂᒃ ᓴᕿᑦᑎᕙᓪᓕᐊᔪᓐᓇᖅᓱᑕ ᐊᑐᐃᓐᓇᐅᔪᓂᒃ ᑮᓇᐅᔭᓂᒃ ᐊᑐᖅᑕᐅᔪᓐᓇᖅᑐᓂᒃ ᓴᕿᑦᑎᔾᔪᑕᐅᓂᐊᖅᑐᓂᒃ ᐱᐅᓯᕚᓪᓕᕈᑎᒃᓴᓂᒃ ᐊᓯᔾᔨᕐᓂᐅᔪᓐᓇᖅᑐᓂᒃ ᓄᓇᕗᒻᒥ. ᓯᕗᓕᐅᖅᑎᐅᓪᓗᑎᒃ ᑲᑐᔾᔨᖃᑎᒌᖑᓪᓗᑎᒃ, ᖃᐅᔨᓴᖅᑏᑦ ᑲᑐᔾᔨᖃᑎᒌᖏᑦ ᐊᒥᓱᒻᒪᕆᖕᓂᒃ ᖃᐅᔨᒪᓂᖃᖅᑐᑦ ᑮᓇᐅᔭᓕᐅᖅᑎᐅᖏᓐᓂᕐᒥᒃ ᐊᐅᓚᑦᑎᔪᓐᓇᕐᓂᖅ ᐊᒻᒪᓗ ᐃᓚᓕᐅᑎᓯᒪᔪᓄᑦ, ᐊᒥᓱᓂᒃ ᐃᑲᔪᖅᓱᐃᔾᔪᑎᒃᓴᖃᖅᑎᑦᑎᓲᖑᓪᓗᑎᒃ, ᐊᑭᖃᖏᑦᑐᓂᒃ, ᒪᑯᓂᖓ ᓲᕐᓗ:
- ᓴᓇᔭᐅᓂᐊᖅᑐᓂᒃ/ᐊᑐᖅᑕᐅᖃᑦᑕᕐᓂᐊᖅᑐᓂᒃ ᓴᕿᑎᑦᑎᕙᓪᓕᐊᓂᖅ, ᐊᑐᓕᖅᑎᑦᑎᓂᖅ, ᖃᐅᔨᓴᐃᕙᓪᓕᐊᓂᖅ ᐊᒻᒪᓗ ᖃᐅᔨᓴᖅᐸᓪᓕᐊᓂᖅ
- ᑮᓇᐅᔭᓕᕆᓂᕐᒥᒃ ᐊᐅᓚᑦᑎᓂᖅ, ᐅᓂᒃᖄᑦᑕᕐᓂᖅ, ᑕᒪᐃᓐᓂᒡᓗ ᐅᓂᒃᑳᑦᑎᐊᖃᑕᕐᓂᖅ ᑮᓇᐅᔭᖅᑖᖅᑎᑦᑎᓯᒪᔪᓄᑦ
- ᓇᓗᓇᐃᔭᐃᓂᖅ ᐱᓕᕆᖃᑎᒌᒃᑐᓂᒃ ᐊᒻᒪᓗ ᐱᕕᒃᓴᐅᓕᕈᓐᓇᖅᑐᓂᒃ ᑕᒪᐃᓐᓄᒃ ᖃᓄᐃᓕᐅᖃᑎᒌᒡᓗᑎᒃ ᑐᑭᓕᐅᕈᓐᓇᕐᓂᖏᓐᓂᒃ
ᐋᑐᕚᒦᑦᓱᑎᒃ, ᖃᐅᔨᓴᖅᑏᑦ ᑲᑐᔾᔨᖃᑎᒌᖏᑦ ᐊᑐᐃᓐᓇᐅᑦᑎᐊᖅᑐᑦ ᖃᓄᑦᑐᒦᓱᑎᒡᓗ ᐱᒻᒪᕆᐅᔪᓄᑦ ᖃᓗᓈᓃᑦᑐᓄᑦ ᓇᖕᒥᓂᖃᖃᑕᐅᔪᓄᑦ - ᐊᓯᖏᓐᓄᓪᓗ ᐃᓄᐃᑦ ᑲᑐᔾᔨᖃᑎᒌᒋᓐᓄᑦ ᓄᓇᖃᖄᖅᓯᒪᔪᓪᓗ, ᑲᓇᑕᐅᑉ ᒐᕙᒪᒃᑯᖏᓐᓂ ᐊᑐᐊᒐᓕᐅᖅᑎᐅᕙᒃᑐᓄᑦ ᐊᒻᒪᓗ ᓲᖃᐃᒻᒪ, ᑮᓇᐅᔭᓂᒃ ᑐᓂᓯᓲᓂᒃ ᑯᐊᐳᕇᓴᐅᓪᓗ ᑎᒥᖁᑎᖏᓐᓄᑦ. ᓯᑎᐱᕆ 2005-ᒥ ᑲᑎᒪᑎᓪᓗᒋᑦ ᖃᐅᔨᓴᖅᑏᑦ ᑲᑐᔾᔨᖃᑎᒌᖏᑦᑕ ᑲᑎᒪᔨᖏᑦ, ᑲᑐᔾᔨᖃᑎᒌᑦ ᑲᔪᓯᑎᑦᑎᓚᐅᖅᑐᑦ ᐱᖁᔨᕗᖔᕈᑎᒥᒃ ᑎᒍᒥᐊᕈᒪᓪᓗᒋᑦ ᑲᓇᑕᒥ ᑮᓇᐅᔭᖅᑖᖅᑎᑦᑎᕙᒃᑐ ᐱᑦᑎᐊᔪᓴᒋᐊᖃᕐᓂᕐᒧᑦ ᑮᓇᐅᔭᖅᑖᕋᓱᐊᕐᓂᖏᓐᓂᒃ ᐊᒻᒪᓗ ᑮᓇᐅᔭᓂᒃ ᐅᓂᒃᑳᑦᑎᐊᖃᑦᑕᕆᐊᖃᕐᓂᕐᒧᑦ ᒪᓕᒐᕐᓂᒃ ᓇᖕᒥᓂᖅ ᐊᑐᐊᒐᖅᑖᕆᓪᓗᓂᐅᒃ ᓴᕿᔮᖁᔨᓂᖏᓐᓄᑦ ᑮᓇᐅᔭᖅᑖᖅᑎᑦᑎᔨᐅᕙᒃᑐᓄᑦ ᖃᐅᔨᓴᖅᑎᒃᑯᑦ ᐃᖕᒥᒃᑰᖅᓱᑎᒃ ᒪᓕᒐᖃᕐᓂᖏᓐᓂᒃ ᐱᑦᑎᐊᔪᓴᐃᓐᓇᕆᐊᖃᕐᓂᖏᓐᓂᒃ ᐊᒻᒪᓗ ᐅᓂᒃᑳᑦᑎᐊᖃᑦᑕᕆᐊᖃᕐᓂᖏᓐᓂᒃ.
ᑕᒡᕙ ᐃᓚᐃᓐᓇᖏᑦ ᐱᒻᒪᕆᐅᔪᑦ ᑐᕌᒐᕆᔭᐅᔪᑦ ᖃᐅᔨᓴᖅᑏᑦ ᑲᑐᔾᔨᖃᑎᒌᖏᓐᓄᑦ ᐃᑲᔪᖅᓱᖅᑕᐅᔪᒪᓂᕆᔭᖏᑦ. ᑐᖓᓇᑐᐃᓐᓇᑦᑎᐊᖅᑐᒍᑦ ᑐᓴᕈᒪᓂᖅ ᐃᓱᒪᒋᔭᔅᓯᓐᓂᒃ ᖃᓄᖅ ᑎᑭᐅᑎᓯᒪᔪᓐᓇᕐᒪᖔᑦᑕ ᑕᐅᑐᒐᕆᔭᑦᑎᓐᓂᒃ.
ᓴᓇᖑᐊᖅᓯᒪᔪᓕᕆᓂᖅ ᐊᒻᒪᓗ ᐃᓕᖅᑯᓯᓕᕆᓂᖅ
- ᓴᓇᔭᐅᓂᖏᑦ ᐃᓄᒃᑎᑑᒥᒃ-ᐃᓄᒃᑎᑑᒧᑦ ᐅᖃᐅᓯᕐᓂᒃ ᐅᓂᒃᑳᕐᓂᖅ/ᑐᑭᓯᓂᐊᕈᑏᑦ ᐅᖃᓕᒫᒐᐃᑦ
- ᑎᑎᕋᖅᑕᐅᓂᖏᑦ ᐃᓄᐃᑦ ᐅᖃᐅᓯᒃᑯᑦ ᐅᓂᒃᑳᖅᓯᒪᔭᕕᓂᖏᓐ
- ᐃᓄᐃᑦ ᐃᓕᖅᑯᓯᖏᑦ ᐊᒻᒪᓗ ᐱᖁᑎᑐᖃᖏᑦ ᓴᐳᓐᓂᐊᖅᑕᐅᓯᒪᓂᖏᑦ
- ᐅᖃᐅᓰᑦ ᐱᑕᖃᐃᓇᕐᓂᖏᑦ, ᐃᓕᖅᑯᓯᑐᖃᕐᓂᒃ ᐊᒻᒪᓗ ᐱᒋᔭᐅᔪᑐᖃᕐᓂᒃ ᖃᐅᔨᒪᓕᖅᑎᑦᑎᓂᕐᒧᑦ ᐃᓕᓐᓂᐊᖅᑎᑦᑎᓂᖅ ᑐᓴᐅᒪᔭᐅᓕᖅᑎᑦᑎᓂᕐᓗ
- ᓴᓇᔭᐅᓂᖓ 'ᓄᓇᕗᒻᒥ ᐱᖁᑎᑐᖃᖃᕐᕕᒃ'
ᐃᓕᓐᓂᐊᖅᑐᓕᕆᓂᖅ ᐊᔪᕈᓐᓃᖅᓴᐃᓂᓕᕆᓂᕐᓗ
- ᐃᓕᖅᑯᓯᕐᒧᑦ ᓈᒪᔪᓂᒃ ᐃᓕᓐᓂᐊᕈᑎᒃᓴᖃᕐᓂᖅ ᐃᓕᓐᓂᐊᕆᐊᓕᓵᖅᑐᓄᑦ ᒍᕇᑦ 12-ᒧᑦ
- ᐃᓄᒃᑎᑑᑦ ᐃᓕᓐᓂᐊᕐᕕᒃᑖᕐᓂᖅ
- ᐃᓕᓐᓂᐊᖅᓯᒪᓂᖅᓴᐅᓕᕐᓂᖏᑦ/ᐊᔪᕈᓃᖅᓴᔪᓐᓇᖅᑕᖏᓪᓗ ᐊᓯᖏᑦ ᐃᓄᐃᑦ
- ᒪᑭᑕᑦᑎᐊᕐᓂᖅᓴᐅᓗᑎᒃ ᐃᖏᕐᕋᔾᔪᑎᓄᑦ ᐊᑐᕈᑏᑦ ᔫᓂᕘᓯᑎᒧᐊᓚᐅᖏᓐᓂᖏᓐᓂᒃ/ᓯᓚᑦᑐᖅᓴᕐᕕᖕᒧ/ᐃᖃᓇᐃᔮᒃᓴᖅᑖᖅᐸᓪᓕᐊᓂᕐᒧᑦ ᐸᕐᓇᐅᑏᑦ
- ᐃᓕᓐᓂᐊᕈᑎᒃᓴᖃᓕᐅᕐᓗᑎᒃ ᐃᓕᓐᓂᐊᖅᑎᑦᑎᔨᐅᔪᓄᑦ
ᐊᕙᑎᓕᕆᓂᖅ
- ᓯᓚᐅᑉ ᐊᓯᔾᔨᖅᐸᓪᓕᐊᓂᖓ
- ᐃᒪᐃᑦ ᐊᐅᓚᑕᐅᓂᖏᑦ
- ᓄᓇᐃᑦ ᐊᑐᖅᑕᐅᓂᖏᑦ/ᑲᒪᒋᔭᐅᓂᖏᑦ
ᐋᓐᓂᐊᖃᕐᓇᖏᑦᑐᓕᕆᓂᖅ
- ᒪᒃᑯᒃᑐᑦ ᑎᒥᒥᓂᒃ ᐃᖃᐃᓕᓴᕐᓂᖅᐅᓴᖃᑦᑕᕐᓂᖏᑦ
- ᖃᐅᔨᒪᓕᖅᑎᑦᑎᕙᓪᓕᐊᓂᖅ ᐃᓅᓯᖃᑦᑎᐊᕐᓂᖅᓴᐅᔪᓐᓇᕐᓂᕐᒧᑦ ᐊᑐᖅᑕᐅᔪᓐᓇᖅᑐᑦ
- ᐃᓐᓇᑐᖃᐃᑦ ᖃᓄᐃᑕᐃᓕᒪᓂᖏᓐᓄᑦ ᑐᓴᐅᒪᔭᐅᓕᖅᑎᑦᑎᕙᓪᓕᐊᓂᖅ
- ᓴᓇᔭᐅᓂᖏᑦ/ᐊᑐᓕᖅᑎᑕᐅᓂᖏᓪᓗ ᖃᓄᐃᓕᐅᕈᑎᒃᓴᐃᑦ ᑲᑐᖅᐹᓪᓕᕈᑕᐅᓇᔭᖅᑐᑦ ᐊᖓᔮᕐᓇᖃᑦᑕᖅᑐᓂᒃ ᐊᑐᕐᓂᕐᓗᖕᓂᕐᒧᑦ
- ᐃᖕᒥᓃᖅᑎᑦᑎᑕᐃᓕᒪᓂᕐᒧᑦ ᐊᑐᓕᕈᓐᓇᖅᑐᑦ
ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ ᑕᒪᒃᑯᓂᖓ ᐱᒻᒪᕆᐅᔪᓂᒃ ᐊᓯᖏᓐᓂᓗ ᓴᕿᑦᑐᓐᓇᖅᑐᓂᒃ ᐅᕙᑦᑎᓐᓄᑦ ᐅᖄᓂᐊᖅᐳᓯ ᐅᓪᓗᒥ
Qaujisaqtiit Society Charitable Registration No. 847069671RR0001